ბაჩო ოდიშარია: ბევრი რაღაც ვიხილეთ, ვიხილეთ შიდა ღალატი, ვიხილეთ ისეთი ადამიანები, რომლებმაც ზნე იცვალეს, რომ არ უჩანდა ასეთი პირი და ა.შ. მაგრამ ქვეყანა მაინც განაგრძობს განვითარებას, „ქართული ოცნება“ კვლავ ხელისუფლებაშია

აბსოლუტურ სიცარიელეს როდესაც ელაპარაკები, რომელსაც მავნებლობის მეტი არაფერი შეუძლია, იქ შეუძლებელია ოპონირება არსებობდეს თავისი შინაარსით, - განაცხადა გადაცემაში „დღის ქრონიკა“ კინომცოდნე ბაჩო ოდიშარიამ.

ოდიშარიას თქმით, საქართველოს არ ჰყავს პოლიტიკური კლასი, როგორც ოპოზიცია, არამედ ჰყავს ან აგენტურა, ან პირდაპირ ამ ქვეყნის მტრობაში შემჩნეული ადამიანები და გაწაფული ადამიანები, რომლებიც ვერ შეიძლება წარმოიდგინო, როგორც ოპოზიცია.

„გამოწვევების ნაწილს მინდა დავუბრუნდე. საგარეო გამოწვევებზე ვისაუბრეთ, შიგნით გამოწვევები ძალიან ბევრი იყო. ერთი, რაც დახვდა „ქართულ ოცნებას“ ხელისუფლებაში მოსვლის შემდეგ და შემდგომში რამაც იჩინა თავი. ბევრი რაღაც ვიხილეთ, ვიხილეთ შიდა ღალატი, ვიხილეთ ისეთი ადამიანები, რომლებმაც ზნე იცვალეს, რომ არ უჩანდა ასეთი პირი და ა.შ. მაგრამ ქვეყანა მაინც განაგრძობს განვითარებას. „ქართული ოცნება“ კვლავ ხელისუფლებაშია. მას აქვს სახალხო მანდატი. ქვეყნის უმრავლესობა უჭერს მას მხარს. ეს ყველაფერი, რა თქმა უნდა, პირდაპირ დაკავშირებულია მხოლოდ ბიძინა ივანიშვილთან“, - აღნიშნა მან.