ბაიდენი ტრამპზე: მან მსოფლიოში ჩვენი ავტორიტეტი იმაზე მეტად შელახა, ვიდრე ნებისმიერმა სხვა პრეზიდენტმა ისტორიაში

ამერიკის ყოფილმა პრეზიდენტმა ჯო ბაიდენმა დონალდ ტრამპს „ლუზერი“ უწოდა და კორუფციაში, არაკომპეტენტურობასა და პირადი ინტერესების გატარებაში დაადანაშაულა.

მერილენდის შტატის დემოკრატიული პარტიის საქველმოქმედო საღამოზე სიტყვით გამოსვლისას ბაიდენმა ტრამპი ვაშინგტონში განხორციელებული პროექტების, 2021 წლის 6 იანვრის კაპიტოლიუმზე თავდასხმის მონაწილეთა შეწყალებისა და უკრაინაში რუსეთის ომთან დაკავშირებით მისი პოლიტიკის გამო გააკრიტიკა.

„ეს მხოლოდ მისი პატივმოყვარეობის პროექტები არ არის. თეთრი სახლის აღმოსავლეთ ფლიგელის დანგრევა, რათა იქ საბანკეტო დარბაზი აშენდეს, კენედის ცენტრის ფასადზე საკუთარი სახელის განთავსება, საკუთარი თავისთვის ტრიუმფალური თაღის აშენება და იმ კონტრაქტორის დაქირავებაც კი, რომელიც მის საცურაო აუზს ემსახურება. ეს კორუფციაა – თავხედური, აშკარა კორუფცია. კორუფცია ისეთი მასშტაბით, როგორიც ამერიკის ისტორიაში არცერთ ადმინისტრაციას არ უნახავს. რა „ლუზერია. მან მსოფლიოში ჩვენი ავტორიტეტი იმაზე მეტად შელახა, ვიდრე ნებისმიერმა სხვა პრეზიდენტმა ისტორიაში“, - განაცხადა ბაიდენმა.