ბათუმში დღეს მეზღვაურთა საერთაშორისო დღე მასშტაბური ღონისძიებებით აღინიშნება

ბათუმში დღეს მეზღვაურთა საერთაშორისო დღე მასშტაბური ღონისძიებებით აღინიშნება. ამ დღის აღნიშვნა კიდევ ერთხელ უსვამს ხაზს საზღვაო სფეროს მნიშვნელობას საქართველოს ეკონომიკური განვითარებისა და ქვეყნის საერთაშორისო კონკურენტუნარიანობის ზრდის პროცესში.

საქართველოს საზღვაო სექტორი ქვეყნის ეკონომიკის ერთ-ერთი სტრატეგიული მიმართულებაა. დღეისათვის ქვეყანას 21 000-მდე სერტიფიცირებული მეზღვაური ჰყავს. ბოლო წლებში გატარებულმა რეფორმებმა, საზღვაო განათლების ევროპულ სტანდარტებთან ჰარმონიზაციამ, საერთაშორისო აღიარების გეოგრაფიის გაფართოებამ და სანავსადგურე ინფრასტრუქტურის მოდერნიზაციამ კიდევ უფრო გაზარდა ქართველი მეზღვაურების კონკურენტუნარიანობა გლობალურ ბაზარზე და გააძლიერა ახალგაზრდების ინტერესი ამ პროფესიის მიმართ.

მეზღვაურთა საერთაშორისო დღესთან დაკავშირებით, ბათუმში დღეს გასართობი და შემეცნებითი ღონისძიებებია დაგეგმილი.