BBC: გუშინდელი არეულობის შემდეგ ბელფასტის ქუჩებში პოლიციას დამატებითი ძალები ჰყავს მობილიზებული

ჩრდილოეთ ირლანდიის დედაქალაქ ბელფასტის პოლიციას გუშინ ღამით მომხდარი არეულობის შემდეგ დღეს დამატებითი საპოლიციო ძალები ჰყავს მობილიზებული. ინფორმაციას BBC ავრცელებს.

ბელფასტის პოლიციის ხელმძღვანელის ჯონ ბუტჩერის განცხადებით, დღეს ქალაქის ქუჩებში დამატებით 200 პოლიციელი გამოჩნდება.

„ჩვენ ამაში გავერკვევით და დღეს საღამოს ქუჩებში უფრო მეტ პოლიციელს გამოვიყვანთ, ვიდრე ეს გასულ ღამეს იყო“, - განაცხადა ბუტჩერმა.

მან აგრეთვე დასძინა, რომ არეულობასთან დაკავშირებით 100 ადამიანია დაკავებული.

ცნობისთვის, წუხელ ბელფასტში ანტიიმიგრაციული მიტინგი არეულობაში გადაიზარდა. ხალხი ქუჩაში მას შემდეგ გამოვიდა, რაც სოციალურ ქსელებში გამოქვეყნდა თავდასხმის ვიდეოჩანაწერი, რომელშიც 30 წლის სუდანელი ლტოლვილი ბელფასტის მკვიდრს დანით ჭრილობებს აყენებს.

სუდანელი მამაკაცი პოლიციამ მოგვიანებით დააკავა. მას ბრალად მკვლელობის მცდელობა ედება. დაზარალებული მძიმე მდგომარეობაში საავადმყოფოში გადაიყვანეს. პოლიციის ხელმძღვანელობამ განაცხადა, რომ ინციდენტი ტერორიზმთან დაკავშირებული არ არის.