ბელარუსმა პოლონეთს პოლონელი ჟურნალისტი ანდჟეი პოჩობუტი გადასცა

ბელარუსის ხელისუფლებამ ბელარუსში 2023 წელს გასამართლებული პოლონელი ჟურნალისტი ანდჟეი პოჩობუტი პოლონეთს გადასცა. ინფორმაციას პოლონეთის პრემიერ-მინისტრი, დონალდ ტუსკი სოციალურ ქსელ X-ში ავრცელებს.

„ანდჟეი პოჩობუტი თავისუფალია! კეთილი იყოს შენი მობრძანება პოლონურ სახლში, მეგობარო“, - დაწერა ტუსკმა.

ანდჟეი პოჩობუტი ბელარუსში პოლონელების დამოუკიდებელი კავშირის ერთ-ერთი ლიდერი იყო. 2023 წლის თებერვალში ქალაქ გროდნოს სასამართლომ მას „ეროვნული ნიშნით შუღლის გაღვივების“ გამო რვა წლით თავისუფლების აღკვეთა მიუსაჯა.

პოლონელი ჟურნალისტის დაპატიმრების მიზეზი მის მიერ 1939 წელს საბჭოთა კავშირის მიერ პოლონეთზე თავდასხმის შესახებ გამოქვეყნებული სტატია გახდა.

Andrzej Poczobut wolny! Witaj w polskim domu, Przyjacielu❤️🇵🇱 pic.twitter.com/TSs97ry7X1 — Donald Tusk (@donaldtusk) April 28, 2026