ბელგიამ და ეგვიპტემ ქულები გაიყვეს

ფეხბურთში მსოფლიო ჩემპიონატის G ჯგუფის პირველი შეხვედრა ბელგიისა და ეგვიპტის ეროვნულ ნაკრებებს შორის ფრედ 1:1 დასრულდა.

მატჩი აშშ-ში, სიეტლის სტადიონზე შედგა. თამაში თანაბარი უპირატესობით მიმდინარეობდა. შეხვედრის მე-19 წუთზე ეგვიპტელებმა ანგარიში გახსნეს. გატანილი გოლს ავტორი ემამ აშური გახდა.

„ფარაონებმა“ უპირატესობის შენარჩუნება ვერ შეძლეს და 66-ე წუთზე გოლი გაუშვეს. თავდაპირველად ვარაუდობდნენ, რომ გოლი ბელგიელმა თავდამსხმელმა რომელუ ლუკაკუმ გაიტანა, თუმცა განმეორებაზე გამოჩნდა, რომ ეს იყო ავტოგოლი. საკუთარ კარში ბურთი ეგვიპტელმა მოჰამედ ჰანიმ შეაგდო.

მსაჯის საფინალო სასტვენამდე გუნდებმა არაერთი სახიფათო მომენტი შექმნეს, თუმცა უშედეგოდ.