ბიძინა გიორგობიანი: ვფიქრობ, ევროპის კონტინენტზე ფუნდამენტური ცვლილებები გარდაუვალია, განსაკუთრებით, იმ ფაქტის გათვალისწინებით, რომ აშშ-ის ინტერესი ევროკავშირის მიმართ უკვე აღარ არის ისეთი, როგორიც იყო წინა ათწლეულებში

მე ვფიქრობ, ევროპის კონტინენტზე ფუნდამენტური ცვლილებები გარდაუვალია, განსაკუთრებით, იმ ფაქტის გათვალისწინებით, რომ აშშ-ის ინტერესი ევროკავშირის მიმართ უკვე აღარ არის ისეთი, როგორიც იყო წინა ათწლეულებში და აშშ, რომელიც იყო ევროკავშირის ფინანსური და ეკონომიკური წარმატების მთავარი გარანტი, ევროკავშირს აღიქვამს კონკურენტად და აღარ აღიქვამს პარტნიორად, - განაცხადა გადაცემაში „EURO ანატომია“ „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა.

მისივე თქმით, ევროკავშირში დიდი ცვლილებები გარდაუვალია.

„ჩვენც უნდა ვაღიაროთ ეს რეალობა და უნდა ვთქვათ, რომ ჩვენი პრიორიტეტების გადახედვა მოგვიწევს, რასაც რამდენიმე ათწლეულის განმავლობაში საქართველოში ნერგავდნენ და ჩვენი პრიორიტეტები უნდა იყოს მიმართული იმ ბაზრებისკენ, იმ ქვეყნებისკენ და იმ გაერთიანებებისკენ, რომლებიც ჩვენთან უფრო ახლოს არიან, რომლებსაც სურთ ჩვენთან ვაჭრობა და რომლებთან ერთადაც შეგვიძლია მივაღწიოთ ეკონომიკურ წარმატებას და პოლიტიკურ სტაბილიზაციას საქართველოში“, - აღნიშნა ბიძინა გიორგობიანმა.