ბლაჟევიჩის ხელმოცარული შეგირდები - „იმედის კვირის“ სპეციალური რეპორტაჟი

„ნაციონალური მოძრაობის“ ლიდერები წერამ აიტანა - ღია წერილები, საპასუხო წერილები, განმარტებები, მინიშნებები, ემოციური გზავნილები. იმდენი დაიწერა, რომ ზოგიერთს შეიძლება ეგონოს, პოლიტიკური პარტიის ნაცვლად სააკაშვილმა ციხიდან მწერალთა ალიანსი შექმნა.

ამ ტრაგიკომედიაში ერთი წერილს აქვეყნებს, მეორე ამ წერილის თანაავტორობას უარყოფს, მესამე კი სოციალურ ქსელში კვლავ რევოლუციური იდეების არქიტექტორებს ეძებს. ეს ყველაფერი უფრო თეატრალურ წარმოდგენას ჰგავს, ვიდრე, რბილად რომ ვთქვათ, პოლიტიკურ ოპონირებას.

წერილების შინაარსში გარკვევა არც ისე მარტივია, თუმცა ერთი რამ აშკარაა - ავტორები ძირითადად საკუთარი როლის რომანტიზებით და ერთმანეთისთვის იმ რეალობის დამტკიცებით არიან დაკავებული, რომელიც სინამდვილეში დიდი ხანია აღარ არსებობს.

რეალური დაპირისპირება, თუ მორიგი პოლიტიკური სპექტაკლი? - ოპოზიციური ფლანგი მიხვდა, რომ საზოგადოებრივი მხარდაჭერა ნულის ტოლია, მიხეილ სააკაშვილის გარშემო გაერთიანებამ კი მინუს უსასრულობამდე მიიყვანა. ამიტომ, დაიწყეს ახალი სცენარით თამაში. უცნობია, ესეც ბლაჟევიჩის შემოქმედებაა თუ სააკაშვილის, მაგრამ ფაქტია, ისევ პოლიტიკური განქორწინების სცენარს ამუშავებენ.

ნახეთ შორენა ხვიჩიას სპეციალური რეპორტაჟი ბლაჟევიჩის ხელმოცარულ შეგირდებზე.