Bloomberg: ფრიდრიხ მერცის პოპულარობა რეკორდულად დაბალ ნიშნულამდე დაეცა

გერმანიის კანცლერის, ფრიდრიხ მერცის პოპულარობა ისტორიულად დაბალ ნიშნულამდე დაეცა. სოციოლოგიური გამოკითხვის შედეგებს სააგენტო Bloomberg-ი ავრცელებს.

გამოკითხვის თანახმად, მერცი დაახლოებით ერთი წლის წინ მოვალეობის შესრულებას შეუდგა, ხოლო დღეს მისი მხარდაჭერის რეიტინგი 16%-ს შეადგენს.

ეს არის ყველაზე დაბალი რეიტინგი, რაც კი ოდესმე დაფიქსირებულა გერმანიის კანცლერებთან დაკავშირებით 1997 წლიდან.

როგორც გამოცემა აღნიშნავს, მერცის რეიტინგი აპრილში 5 პროცენტული პუნქტით მაღალი იყო.

გამოკითხვაში მონაწილე ადამიანების 83%-მა განაცხადა, რომ მერცის მუშაობით უკმაყოფილოა. აპრილში ეს მაჩვენებელი 7 პროცენტული პუნქტით დაბალი იყო.

გამოკითხვის თანახმად, რესპონდენტთა 69% ფიქრობს, რომ მერცი დაკისრებულ მოვალეობებს ვერ ართმევს თავს, 14%-ს გერმანიის კანცლერის ურთიერთობის სტილი არ მოსწონს.

გამოკითხვა კომპანია Infratest Dimap-მა ჩაატარა. მასში მონაწილეობა 1 303 ამომრჩეველმა მიიღო. გამოკითხვა ტელეფონით და ინტერნეტის მეშვეობით ჩატარდა.