Bloomberg: რუსეთის ნავთობგადამამუშავებელი ქარხნების წარმოების საშუალო შესაძლებლობა ბოლო 2 ათწლეულის განმავლობაში ყველაზე დაბალ მაჩვენებლამდე დაეცა

რუსეთის ნავთობგადამამუშავებელი ქარხნების წარმოების საშუალო შესაძლებლობა ბოლო 21 წლის განმავლობაში ყველაზე დაბალ მაჩვენებლამდე დაეცა, - წერს Bloomberg-ი ბრიტანული კომპანიის, „ენერჯი ასპექტის“ ანალიტიკურ განყოფილებაზე დაყრდნობით

გამოცემის ცნობით, წარმოება 2026 წლის ივლისში, დღეში თითქმის 4 მილიონ ბარელს შეადგენს, რაც 2005 წლის ივლისის საშუალო დონესთან შედარებით, დღეში 1,5 მილიონ ბარელზე მეტით არის შემცირებული. გამოცემა აღნიშნავს, რომ უკრაინის მიერ რუსეთის სანავთობო ინფრასტრუქტურაზე დარტყმების შედეგად, ქვეყანამ შესაძლოა, ნავთობის გადამამუშავებელი სიმძლავრეების 20%-დან 40%-მდე დაკარგა. ასევე მცირდება არა მხოლოდ ნავთობის გადამუშავება, არამედ მისი მოპოვებაც და რეალიზაციის მაჩვენებელიც.