ბოლნისის მუზეუმის საგამოფენო სივრცეში ბოლნისელი მხატვრის ნოდარ გოგებაშვილის პერსონალური გამოფენა გაიხსნა
იმედი|imedinews.ge
ბოლნისის მუზეუმის საგამოფენო სივრცეში ბოლნისელი მხატვრის ნოდარ გოგებაშვილის პერსონალური გამოფენა გაიხსნა. ექსპოზიციაზე წარმოდგენილია მხატვრის ფერწერული ტილოები, ასევე თიხაში, ქვასა და ხეში გამოკვეთილი ნამუშევრები.
განსაკუთრებულ ყურადღებას იპყრობს რიყის ქვაზე შესრულებული კომპოზიციები, რომლებიც ავტორის უნიკალურ მხატვრულ ხელწერას ასახავს. გამოფენა ბოლნისის კულტურის ცენტრის ორგანიზებით 20 მაისამდე გაგრძელდება და ბოლნისის მუნიციპალიტეტის მერიის მხარდაჭერით იმართება.
გამოფენის გახსნას ადგილობრივი ხელისუფლების წარმომადგენლები ესწრებოდნენ.
გაზიარება:
იმედი
წყარო: imedinews.ge