ბოლო ერთი თვეა, ლარი დოლართან მიმართებით ყოველდღიურად მყარდება

ბოლო ერთი თვეა, ლარი დოლართან მიმართებით ყოველდღიურად მყარდება. ციფრების მიუხედავად კი ოპოზიცია არასწორ ეკონომიკურ პოლიტიკაზე ლაპარაკობს, თუმცა აღიარებს, რომ ეკონომიკა იზრდება.

„სამწუხაროდ, ამ არასწორი ეკონომიკური პოლიტიკის გამო ჩვენს ქვეყანაში ხალხი ღარიბდება, მაგრამ ეკონომიკა სამწუხაროდ, იზრდება არა ხალხისათვის, არამედ რამდენიმე ათეული ოჯახისათვის", - ამბობს „ნაციონალური მოძრაობის“ წევრი გიორგი კაპანაძე.

მოქმედი კურსის შესაბამისად ერთი დოლარის შეძენა, 2 ლარად და 63 თეთრად არის შესაძლებელი.

„ბიზნეს ინსაიდერ საქართველოს“ და „საქართველოს ეკონომიკური ფორუმის“ დამფუძნებელი გიორგი აბაშიშვილი აცხადებს, რომ ყველა ფუნდამენტური ფაქტორი ქვეყანაში არის გაუმჯობესებული და ეს ავტომატურად გულისხმობს ეროვნული ვალუტის გამყარებას.

ეკონომიკის ექსპერტი ვახტანგ ჭარაია კი აღნიშნავს, რომ „უკვე წელიწადზე მეტია, გაცვლითი კურსი არის სტაბილური“.