რუსეთის მოქალაქეობის მისაღებად აფხაზებისა და ოსებისთვის ფასი შემცირდება - Netgazeti

რუსეთის ხელისუფლება აფხაზეთის, ცხინვალის რეგიონისა და დნესტრისპირეთის მცხოვრებლებისთვის რუსეთის მოქალაქეობის მიღებაზე საკონსულო მოსაკრებლის შეღავათიანი ოდენობის დაბრუნებას გეგმავს. ამის შესახებ რუსეთის მთავრობის მიერ მომზადებულ შესაბამისი ნორმატიული აქტის პროექტშია საუბარი, წერს Meduza⁠.

აგვისტოდან რუსეთის მოქალაქეობის მიღებაზე განაცხადის განხილვის საკონსულო მოსაკრებელი თითქმის ათჯერ გაიზარდა – 65-დან 600 დოლარამდე. ახალი პროექტის მიხედვით, აფხაზეთის, ცხინვალის რეგიონისა და დნესტრისპირეთის მცხოვრებლებისთვის მოსაკრებელი კვლავ 65 დოლარი იქნება.

მოსაკრებლის გაზრდის გამო პრობლემა განსაკუთრებით დნესტრისპირეთის მცხოვრებლებს შეექმნათ. რეგიონის დე ფაქტო ლიდერმა ვადიმ კრასნოსელსკიმ განაცხადა, რომ საკითხის მოგვარებაზე მუშაობა მიმდინარეობს და პროცესი მოსახლეობის ინტერესების გათვალისწინებით გადაწყდება.

რუსეთის პრეზიდენტმა ვლადიმირ პუტინმა მაისის შუა რიცხვებში ხელი მოაწერა განკარგულებას, რომლითაც დნესტრისპირეთის მცხოვრებლებისთვის რუსეთის მოქალაქეობის მიღების პროცედურა გამარტივდა. მათ აღარ მოეთხოვებათ რუსეთში მუდმივად ცხოვრება, რუსული ენის ცოდნა, რუსეთის ისტორიისა და კანონმდებლობის საფუძვლების ცოდნა. მსგავსი გამარტივებული პროცედურა პუტინმა გასულ წელს აფხაზეთისა და ცხინვალის რეგიონის მცხოვრებლებისთვისაც შემოიღო.

25 წელია ვწერთ იმაზე, რაც შენ გაწუხებს და რასაც მთავრობა გიმალავს, თუმცა დღეს, რეპრესიული პოლიტიკის პირობებში, როდესაც დამოუკიდებელ გამოცემებს „ქართული ოცნება“ შემოსავლის წყაროს უკეტავს, ამას მარტო ვეღარ შევძლებთ.ჩვენ არ ვეკუთვნით არცერთ პოლიტიკურ ძალას და ბიზნესჯგუფს. ჩვენ ვეკუთვნით საზოგადოებას.დღეს შენი მხარდაჭერა გვჭირდება: გახდი „ბათუმელებისა“ და „ნეტგაზეთის“ მხარდამჭერი, თუნდაც თვეში 1 ლარიდან.წესებსა და პირობებს დეტალურად შეგიძლია გაეცნო მხარდაჭერის პლატფორმაზე.