ბორის ჯონსონი დიდი ბრიტანეთის მთავრობას რუსულ ნავთობპროდუქტებზე სანქციების მოხსნის გამო აკრიტიკებს - ეს უკრაინის ღალატია. ვშიშობ, დღეს კრემლში სტარმერის მთავრობის არაკომპეტენტურობასა და სიბრიყვეს დასცინიან

დიდი ბრიტანეთის ყოფილმა პრემიერ-მინისტრმა ბორის ჯონსონმა თავისი ქვეყნის მოქმედი მთავრობა რუსულ ნავთობპროდუქტებზე დაწესებული სანქციების მოხსნის გამო გააკრიტიკა.

როგორც ჯონსონმა სოციალურ ქსელ X-ში დაწერა, ეს უკრაინის ღალატია.

„ვშიშობ, დღეს კრემლში სტარმერის მთავრობის არაკომპეტენტურობასა და სიბრიყვეს დასცინიან. ეს უკრაინის ღალატია, რომელიც ბრიტანელ მომხმარებლებს ვერანაირად დაეხმარება“, - დაწერა ჯონსონმა.

ცნობისთვის, დიდი ბრიტანეთის მთავრობამ გამოსცა გენერალური სავაჭრო ლიცენზია სანქცირებულ გადამუშავებულ ნავთობპროდუქტებზე. აღნიშნული ლიცენზია ნებას რთავს ქვეყანაში იმ აკრძალული საქონლის იმპორტს, რომელიც მესამე ქვეყნებში რუსული ნედლი ნავთობისგან არის დამუშავებული.

The Kremlin will I am afraid be laughing today at the incompetence and stupidity of the Starmer government. This is a betrayal of Ukraine - and will do nothing to help British consumershttps://t.co/X0ZhKCnRAk — Boris Johnson (@BorisJohnson) May 20, 2026