ბრაზილიაში გოგონა როუპ-ჯამპინგის დროს დაიღუპა - ინსტრუქტორებმა ის ისე გადააგდეს, რომ თოკის დამაგრება დაავიწყდათ

ბრაზილიაში, სან-პაულუს შტატის ქალაქ ლიმეირაში, გოგონა როუპ-ჯამპინგის ატრაქციონზე დაიღუპა.

ადგილობრივი მედიის ცნობით, ინსტრუქტორებმა 21 წლის მარია ედუარდა როდრიგეს დე ფრეიტასი 40 მეტრის სიმაღლიდან ისე გადააგდეს, რომ დამცავი თოკი არ მიაბეს. სოციალურ ქსელებში გავრცელებულ კადრებში ჩანს, როგორ აჰყავთ ატრაქციონის თანამშრომლებს გოგონა ხელში და უფსკრულში აგდებენ, მაშინ როდესაც თოკი იქვე, ახლოს დევს. შეცდომაზე ლაპარაკი მხოლოდ გოგონას გადაგდების შემდეგ დაიწყეს. კადრებში ისმის შეძახილები: „თოკი, თოკი!“.

მარია ედუარდა როდრიგეს დე ფრეიტასი

მომხდარის შემდეგ ატრაქციონის 3 თანამშრომელი დააკავეს, მათ ბრალი გაუფრთხილებლობით მკვლელობაში ედებათ. დაკავებულებმა ვერ შეძლეს აეხსნათ, როგორ მოხდა ეს.

„ისინი დაბნეულები არიან, რადგან ამით უკვე დიდი ხანია დაკავებულნი არიან“, - განაცხადეს პოლიციაში.