ბრენდონ სანდერსონის რომანების მიხედვით სერიალს გადაიღებენ

ამერიკელი მწერლის, ბრენდონ სანდერსონის სამეცნიერო-ფანტასტიკური რომანის „ცისკენ სწრაფვა“ მიხედვით სერიალს გადაიღებენ.

პროექტზე კომპანია Tomorrow Studios მუშაობს საპილოტე ეპიზოდის სცენარს თავად სანდერსონი დაწერს ჯედ უიდონსა და მორისა ტანჩაროენთან ერთად, რომლებიც მანამდე სერიალზე „Shield-ის აგენტები“ მუშაობდნენ.

სიუჟეტი ვითარდება სამყაროში, სადაც კაცობრიობა მკაცრ, მტრულ პლანეტაზე აღმოჩნდა დამწყვდეული და იძულებულია, მუდმივად მოიგერიოს უცხოპლანეტელთა თავდასხმები.

წიგნების სერია 2018 წლიდან გამოიცემა და ერთ-ერთ ყველაზე პოპულარულ სამეცნიერო-ფანტასტიკურ ფრანშიზად ითვლება.

ეს სანდერსონის უკვე მესამე ნამუშევარია, რომლის ეკრანზე გადმოტანაც იგეგმება. გასული წლის ბოლოს ცნობილი გახდა, რომ სტრიმინგ-სერვისმა Apple TV+ სანდერსონთან მისი მასშტაბური საავტორო სამყაროს, „კოსმერის“ ეკრანიზაციაზე უპრეცედენტო შეთანხმება გააფორმა. გარიგების თანახმად, ტრილოგია „ნისლქმნილის“ მიხედვით მხატვრულ ფილმებს, „შტორმის სინათლის არქივის“ მიხედვით კი, სერიალს გადაიღებენ.