ბრიგადის გენერალი გრიგოლ ჭელიძე: დღეს, საქართველოს მასშტაბით 13 ქალაქში, ახალწვეულები ფიცს დადებენ

დღეს, საქართველოს მასშტაბით 13 ქალაქში, ახალწვეულები დადებენ ფიცს, მათ შორს, თავისუფლების მოედანზე, - განაცხადა ბრიგადის გენერალმა გრიგოლ ჭელიძემ.

მისივე თქმით, წელს 600-ზე მეტი ახალწვეული დადებს ფიცს, რომლებიც ქვეყნის მასშტაბით, სხვადასხვა ტერიტორიაზე არიან გადანაწილებული.

„21 ქალაქში, თბილისს ჩათვლით, გამოფენილი იქნება სამხედრო ტექნიკა და შეიარაღება. მოსახლეობას საშუალება ექნება, მთელი დღის განმავლობაში დაათვალიეროს ტექნიკა, გადაიღოს სურათები, გაეცნოს შეიარაღებასა და მათ მონაცემებს", - განაცხადა გრიგოლ ჭელიძემ.

26 მაისს საქართველო დამოუკიდებლობის დღეს ზეიმობს.