ბრიტანეთის ვიცე-პრემიერმა ჯეი დი ვენსი ქვეყანაში სტუდენტის მკვლელობასთან დაკავშირებული კომენტარის გამო გააკრიტიკა
გაერთიანებული სამეფოს ვიცე-პრემიერმა დევიდ ლემიმ ჯეი დი ვენსი ბრიტანელი სტუდენტის, ჰენრი ნოვაკის მკვლელობასთან დაკავშირებული კომენტარის გამო გააკრიტიკა. მან შეერთებული შტატების ვიცე-პრეზიდენტი ბრიტანეთის შიდა საქმეში ჩარევაში დაადანაშაულა. მისივე თმით, მან ვენსთან სატელეფონო საუბარი გამართა, რა დროსაც უთხრა, რომ ვიცე-პრეზიდენტი ცდებოდა.
„გუშინ ვესაუბრე ვიცე-პრეზიდენტ ვენსს და რამდენიმე ასპექტს გავუსვი ხაზი. პირველ რიგში აღვნიშნე, რომ ჩვენი დემოკრატია კარგად მუშაობს, გამოძიება ტარდება. მეორე - არ ვეთანხმები მოსაზრებას, რომ მომხდარს მასობრივ მიგრაციასთან რაიმე კავშირი აქვს. ამიტომაც ვუთხარი ბატონ ვენსს, რომ ის ცდება. ამასთან, უნდა აღინიშნოს, რომ ბრიტანეთში მკვლელობის ფაქტები შემცირებულია“, - აღნიშნა ლემიმ.
ჯეი დი ვენსმა ჰენრი ნოვაკის მკვლელობა მიგრაციულ პროცესებს დაუკავშირა და საზოგადოებას სამართლიანი რისხვისკენ მოუწოდა.
ნოვაკის მკვლელმა, 23 წლის ვიკრამ დიგვამ, პოლიცია მოატყუა, თითქოს თავად გახდა რასობრივი სიძულვილის ნიადაგზე ჩადენილი თავდასხმის მსხვერპლი. პოლიციელებმა მას დაუჯერეს. ჰენრი ნოვაკი კი, რომელსაც ხელბორკილები დაადეს, ამ დროს დანით მიყენებული მძიმე ჭრილობებით მიწაზე იწვა და ამბობდა, რომ სუნთქვა არ შეეძლო.
იმედი
წყარო: imedinews.ge