BTS-ი და Oreo ორცხობილების ლიმიტირებულ სერიას გამოუშვებენ

კეი-პოპ ჯგუფი BTS ამერიკის ერთ-ერთ ყველაზე ცნობილ ორცხობილას ბრენდთან Oreo-სთან ერთიანდება და ლიმიტირებული სერიის ახალი გემოს პროდუქტს გამოუშვებს.

CNN-ი წერს, რომ ლიმიტირებული სერიების გამოშვება საუკუნეზე მეტი ხნის ისტორიის მქონე ბრენდს კულტურული აქტუალობის შენარჩუნებაში, BTS-თან პარტნიორობა კი კორეული პოპ-კულტურის მზარდი პოპულარობის თავის სასიკეთოდ გამოყენებაში დაეხმარება. ეს კოლაბორაცია ასევე დამატებითი ბიძგი იქნება თავად BTS-ისთვისაც, რადგან ჯგუფი სულ ცოტა ხნის წინ დაბრუნდა გლობალურ სცენაზე ოთხწლიანი პაუზის შემდეგ, რომლის დროსაც კეი-პოპის სამყაროში მასშტაბური ცვლილებები მოხდა.

პრესრელიზის თანახმად, BTS-ის ორცხობილა გაყიდვაში 1 ივნისს გამოვა. მას ექნება ტკბილი კრემის შიგთავსი, რომლის გემოც „ჰოტეოკს“ - სამხრეთ კორეაში პოპულარულ, ყავისფერი შაქრით გაჯერებულ ბლინს მიამსგავსეს, რომელსაც ჯგუფის შვიდივე წევრი ბავშვობაში მიირთმევდა. პროდუქტი 80-ზე მეტ ქვეყანაში იქნება ხელმისაწვდომი