ჩეხეთის პრემიერი: ყველა საუბრობს ომზე, ყველა საუბრობს შეიარაღებაზე, ხოლო გუშინ სიტყვა „მშვიდობა“ ერთხელაც არ გამიგია

ჩეხეთის პრემიერ-მინისტრის ანდრეი ბაბიშის განცხადებით, ანკარაში მიმდინარე ნატოს სამიტზე ყველა საუბრობს ომზე, შეიარაღებაზე, ხოლო სიტყვა „მშვიდობა“ არავის უხსენებია.

„ატმოსფერო არის ისეთი, რომ ყველა საუბრობს ომზე, ყველა საუბრობს შეიარაღებაზე, ხოლო გუშინ სიტყვა „მშვიდობა“ ერთხელაც არ გამიგია“, - განაცხადა ბაბიშმა ჟურნალისტებთან საუბრისას.

როგორც ბაბიშმა აღნიშნა, მის ქვეყანას მიმდინარე წელს თავდაცვის ხარჯების გაზრდა 2%-მდე გაუჭირდება, რადგან ჩეხეთის მთლიანი ბიუჯეტი 90 მილიარდი კრონაა, ხოლო სამხედრო ხარჯების გაზრდისთვის მთავრობას გზატკეცილების მშენებლობისა და სხვა პროექტების შეჩერება მოუწევს.