ეუთოს საპარლამენტო ასამბლეაში პორტუგალიის დელეგაციის ხელმძღვანელი: ოდირი ყურადღებას ამახვილებს დეზინფორმაციასთან ბრძოლის პროცესში მეტი გამჭვირვალობისა და კოორდინაციის აუცილებლობაზე
ეუთოს საპარლამენტო ასამბლეის სხდომაზე მოლდოვასა და სომხეთში ჩატარებული არჩევნები განიხილეს. როგორც ეუთოს საპარლამენტო ასამბლეაში პორტუგალიის დელეგაციის ხელმძღვანელმა პაულა კარდოზუმ განაცხადა, ოდირი ყურადღებას ამახვილებს დეზინფორმაციასთან ბრძოლის პროცესში მეტი გამჭვირვალობისა და კოორდინაციის აუცილებლობაზე.
„აუცილებელია მომდევნო არჩევნებამდე განხორციელდეს საარჩევნო სამართლებრივი ჩარჩოს ყოვლისმომცველი და ინკლუზიური რეფორმა. საჭიროა გაძლიერდეს ანტიკორუფციულ უწყებებს შორის ინსტიტუციური კოორდინაცია და შესაძლებლობები. ასევე, მნიშვნელოვანია, თავიდან იყოს აცილებული ადმინისტრაციული რესურსების, საჯარო ფინანსებისა და სამსახურებრივი მდგომარეობის ბოროტად გამოყენება საარჩევნო პერიოდში.
ოდირი ყურადღებას ამახვილებს დეზინფორმაციასთან ბრძოლის პროცესში მეტი გამჭვირვალობისა და კოორდინაციის აუცილებლობაზეც“, - აღნიშნა პორტუგალიის დელეგაციის ხელმძღვანელმა.
იმედი
წყარო: imedinews.ge