ჩინეთში მიწისძვრას მსხვერპლი მოჰყვა

სამხრეთ ჩინეთში, გუანსი-ჯუანის ავტონომიურ რეგიონში, ქალაქ ლიუჯოუში 5.2 მაგნიტუდის სიმძლავრის მიწისძვრა მოხდა.

მიწისძვრა ლიუჯოუს ლიუნანის რაიონში ორშაბათს, ღამის 00:21 საათზე მოხდა. ეპიცენტრის სიღრმე 8 კილომეტრზე იყო. საგანგებო სიტუაციების მართვის, სახანძრო და პოლიციის სამსახურები შემთხვევის ადგილზე მივიდნენ სამაშველო ოპერაციების დასაწყებად. მათ ადგილზე 2 გარდაცვლილი აღმოაჩინეს. ამასთან, მაშველებმა ნანგრევებიდან 91 წლის კაცის გადარჩენაც მოახერხეს.