ჩრდილოეთ ირლანდიის ასამბლეის წარმომადგენელი დიკსონ სრიუარტი: მე პირადად მჯერა, რომ თუ ოპოზიციაში ვარ, ძალიან აქტიურ ოპოზიციაში ვიქნები, მონაწილეობას მივიღებ არჩევნებში, იმ შემთხვევაშიც კი თუ ამ არჩევნებს სამართლიანად არ მივიჩნევ

მე პირადად მჯერა, რომ თუ ოპოზიციაში ვარ, ძალიან აქტიურ ოპოზიციაში ვიქნები, მონაწილეობას მივიღებ არჩევნებში, იმ შემთხვევაშიც კი თუ ამ არჩევნებს სამართლიანად არ მივიჩნევ, - განაცხადა „ქრონიკასთან“ ჩრდილოეთ ირლანდიის ასამბლეის წარმომადგენელმა, დიკსონ სრიუარტიმ.

მან საქართველოში ჩატარებული არჩევნები შეაფასა. მისივე თქმით, ტექნიკურად, არჩევნები სათანადოდ ფუნქციონირებს, ხალხი ბიულეტენზე აკეთებს არჩევანს.

„ჩემი საქმე არაა, ოპოზიციას ვუთხრა, რა გააკეთონ ან რა არ გააკეთონ. მე პირადად მჯერა, რომ თუ ოპოზიციაში ვარ, ძალიან აქტიურ ოპოზიციაში ვიქნები, მონაწილეობას მივიღებ არჩევნებში, იმ შემთხვევაშიც კი თუ ამ არჩევნებს სამართლიანად არ მივიჩნევ და თუ მოვიგებ მანდატს, მას გამოვიყენებ ჩემი ოპოზიციური აზრის დასაფიქსირებლად.

ტექნიკურად, შეიძლება ვთქვათ, რომ არჩევნები სათანადოდ ფუნქციონირებს, ხალხი ბიულეტენზე აკეთებს არჩევანს, აგდებს ყუთში, შემდეგ კი ამ ბიულეტენებს ითვლიან, მაგრამ როცა ამ ბიულეტენებზე სულ ერთი და იგივე პოლიტიკური ფიგურები და პარტიებია, მაშინ უნდა დასვა კითხვა, რომ რაღაც აშკარად არასწორადაა“, - განაცხადა დიკსონ სრიუარტმა.