დავით მათიკაშვილი: მალგოჟეტა გოშევსკას საწვავისთვის იმდენი ხარჯი აქვს აღებული, 24-ჯერ უნდა შემოუარო დედამიწას, რომ დახარჯო. საკუთარ ქვეყანაში კანონგარეშედ მიჩნეული ადამიანები ცდილობენ საქართველოში თავისუფალი სიტყვის ჩახშობას

დავით მათკაშვილი ქართული თავისუფალი მედიის წინააღმდეგ ევროპარლამენტისა და მოლდოვის მიერ მიღებულ გადაწყვეტილებას „დღის ქრონიკაში“ აფასებს. საპროცედურო საკითხთა და წესების კომიტეტის თავმჯდომარემ აღნიშნა, რომ ეს გადაწყვეტილება არის თავისუფალი ხმის ჩახშობა.

„ჩვენ ვიხილეთ საბჭოთა ცენზურისა და თავისუფალი ხმის ჩახშობის სპეცოპერაცია. გამოკვეთილად, დაუფარავად ნაჩვენებია, რომ ევროპარლამენტში მიუღებელია ის ხმა, რომელიც მათ აზრს ორკესტრირებულად თან არ ჰყვება. ის გაერთიანება, რომლის შექმნის სათავეებში თავისუფალი სიტყვა, პლურალიზმი იდო, დღეს „დიფ სთეითის“ ხელშია“, - აღნიშნა დავით მათკაშვილმა.

მან ასევე ისაუბრა იმ ორ ევროპარლამენტარზე, მარიუშ კამინსკისა და მალგოჟეტა გოშევსკაზე, რომლებიც ტელევიზიების დასანქცირების ინიციატივით გამოვიდნენ.

„მათ ბეგრაუნდს რომ გადახედოთ, აღმოაჩენთ, რომ მაღალ თანამდებობაზე ყოფნის პირობებში არაერთი დანაშაული აქვთ ჩადენილი. ერთი ანტიკორუფციულ ბიუროს ხელმძღვანელობდა და პრაქტიკულად, შეკერილ საქმეს უქმნიდა თავის პოლიტიკურ მოწინააღმდეგეს.

მეორე ქალბატონს, აღმოჩნდა, რომ საწვავისთვის იმდენი ხარჯი აქვს აღებული, 24-ჯერ უნდა შემოუარო დედამიწას, რომ ეს დახარჯო. ადამიანები, რომლებიც საკუთარი ქვეყნის კანონმდებლობითაც კი კანონგარეშედ არიან მიჩნეული, დღეს ამ ადამიანებმა ნავსაყუდელი მოძებნეს ევროპარლამენტში და იქიდან ცდილობენ საქართველოში თავისუფალი სიტყვის ჩახშობას“, - აღნიშნა მათიკაშვილმა.

ევროპარლამენტმა ტელეკომპანია „იმედს” საქმიანობა 1 წლით აუკრძალა. მოლდოვამ კი სამ ქართულ მაუწყებელს - „იმედს”, „რუსთავი ორსა“ და „პოსტივის“ აკრედიტაციაზე უარი განმარტების გარეშე უთხრა.