დავით მათიკაშვილი გვარამიას განცხადებაზე: არ მოსწონთ „ქართული ოცნების“ მშვიდობიანი შერიგების პოლიტიკა, ქართველი ხალხის სურვილი, რომ ნდობა აღდგეს პირველ რიგში ქართველ და აფხაზ, ქართველ და ოს ხალხებს შორის

არ მოსწონთ „ქართული ოცნების“ მშვიდობიანი შერიგების პოლიტიკა, ქართველი ხალხის სურვილი, რომ ნდობა აღდგეს პირველ რიგში ქართველ და აფხაზ, ქართველ და ოს ხალხებს შორის, - განაცხადა საპროცედურო საკითხთა და წესების საპარლამენტო კომიტეტის თავმჯდომარემ დავით მათიკაშვილმა ნიკა გვარამიას განცხადების შეფასებისას, რომლის თქმითაც, „ჩვენ და აფხაზებს ერთმანეთი არ გვიყვარს“.

დეპუტატის თქმით, რაც მეტს ეცდება გვარამია საკუთარი ტყუილებიდან გამოძრომას, ხალხი უფრო კარგად დაინახავს მის ნეგატიურ და ანტიქართულ სახეს.

„გვარამია ცდილობს გამოძვრეს სიძულვილის იმ ლაბირინთებიდან, რომელიც თავად შექმნა. აშკარაა, რომ არ მოსწონთ „ქართული ოცნების“ მშვიდობიანი შერიგების პოლიტიკა, ქართველი ხალხის სურვილი, რომ ნდობა აღდგეს პირველ რიგში ქართველ და აფხაზ, ქართველ და ოს ხალხებს შორის. რაც მეტს ეცდება გვარამია საკუთარი ტყუილებიდან გამოძრომას და საზოგადოების კიდევ უფრო მეტად მოტყუებას, ქვეყანა და ხალხი უფრო კარგად დაინახავს მის ნეგატიურ და ანტიქართულ სახეს“, - აღნიშნა მათიკაშვილმა.