დავით ქართველიშვილი: საქართველოს გარეშე შუა დერეფანს, როგორც ერთიან საერთაშორისო პროექტს, აზრი არ აქვს

ევროკავშირმა, მათ შორის გერმანიამ დაკარგა თავისი ერთ დროს სუბიექტურობა, იმ ქვეყნის მიმზიდველობა, რომლის გამო საქართველომ ევროინტეგრაციის გზა აირჩია, - განაცხადა „ხალხის ძალის“ წევრმა დავით ქართველიშვილმა გადაცემაში „დღის ქრონიკა“.

„ჩვენ ნამდვილად არ ვიცოდით სადამდე დაეცემოდა ევროკავშირი, სადამდე დაეცემოდა გერმანია, რომელესაც უბრალოდ უჭირს თავის ოფიციალურ საიტებზე ფაქტებს თავისი სახელი დაარქვას: საქართველოს მოქმედ პრეზიდენტს მოქმედი პრეზიდენტი დაარქვას. გერმანიის ერთ-ერთი წარმომადგენელი ქალბატონი საერთოდ გეოგრაფიულ რუკაზე ვერ ხედავს საქართველოს და აღმოსავლეთ ევროპის დამაკავშირებელ უმოკლეს გზას სომხეთის გავლით ხედავს“, - აღნიშნა ქართველიშვილმა.

მისი თქმით, საქართველოს გარეშე შუა დერეფანს, როგორც ერთიან საერთაშორისო პროექტს, აზრი არ აქვს.

„საქართველოს დღეს უკავია უნიკალური, უალტერნატივო ადგილი პატარა ჯაჭვის, მაგრამ აუცილებელი ჯაჭვის დიდ ღერძზე, რასაც ჰქვია აღმოსავლეთი და დასავლეთი. როდესაც დიდი ჩინეთი, შუა დერეფნის მთავარი არქიტექტორი, პირდაპირ აცხადებს, რომ საქართველო არის მისი ძირითადი სტრატეგიული პარტნიორი სამხრეთ კავკასიაში, ამის არ აღიარება და არ დანახვა ბრიუსელიდან, ძალიან სასაცილოა“, - აღნიშნა დავით ქართველიშვილმა.

მისივე თქმით, საქართველო მიდის სწორი მიმართულებით, ევრობიუროკრატია კი მიდის ევროსაბჭოთა კავშირის დასასრულისკენ.