დეკანოზი ანდრია ჯაღმაიძე წმინდა სინოდზე: უმაღლესი სიკეთე, რისთვისაც ჩვენი მღვდელმთავრები იღვწოდნენ იყო ეკლესიის სიძლიერე და პატრიარქის დანატოვრის გაგრძელება

ჩვენ გვქონდა პერიოდი, პატრიარქის გარდაცვალების შემდეგ, როდესაც იყო ძალიან ბევრი საკითხი, რომელიც იწვევდა აზრთა სხვადასხვაობას, თუმცა, ძალიან დიდ იმედს იძლევა ის, რაც მღვდელმთავრებმა გამოავლინეს ერთობის კუთხით, - განაცხადა გადაცემაში “იმედი Live” საპატრიარქოს საზოგადოებასთან ურთიერთობის სამსახურის ხელმძღვანელმა, დეკანოზმა ანდრია ჯაღმაიძემ სინოდის ბოლო სხდომაზე საუბრისას.

მისივე თქმით, იყო ბევრი მოსამზადებელი საკითხი, რათა სინოდის სხდომა უმაღლეს დონეზე შემდგარიყო.

“ის, რაც მღვდელმთავრებმა ამ სინოდზე გამოავლინეს, იყო ძალიან მნიშვნელოვანი. ჩვენ გვქონდა პერიოდი, პატრიარქის გარდაცვალების შემდეგ, როდესაც იყო ძალიან ბევრი საკითხი, რომლებიც იწვევდა აზრთა სხვადასხვაობას, თუმცა ძალიან დიდ იმედს იძლევა ის, რაც მათ გამოავლინეს ერთობის კუთხით. ჩვენ ვხედავდით, რომ იყო აზრთა სხვადასხვაობა, თუმცა თითოეული მღვდელმთავარი მოწოდებული იყო იმისთვის, რომ ეკლესიისთვის საუკეთესო რამ შეეთავაზებინა. უმაღლესი სიკეთე, რისთვისაც ჩვენი მღვდელმთავრები, ამ შემთხვევაში, იღვწოდნენ იყო ეკლესიის სიძლიერე და პატრიარქის დანატოვრის გაგრძელება”, - აღნიშნა დეკანოზმა ანდრია ჯაღმაიძემ.