დონალდ ტუსკი: რუსეთის მხრიდან მოქმედებების ესკალაცია რეალობად იქცევა და ამის მაგალითები ჩვენს საზღვარს სულ უფრო უახლოვდება

უკრაინის დასავლეთ რეგიონებზე, მათ შორის პოლონეთის საზღავრთან რუსულ თავდასხმას ოფიციალური ვარშავა გამოეხმაურა. იაგოდინის რკინიგზის სადგურზე კიევი-ვარშავის მიმართულებით მოძრავი მატარებლის ლოკომოტივთან ერთად, იაგოდინის სასაზღვრო გამშვებ პუნქტთან მდებარე ბენზინგასამართი სადგურზე იერიშს დინალდ ტურსკმა გაზრდილი საფრთხის კიდევ ერთი დადასტურება უწოდა. თავდასხმას კიევში მყოფი რადოსკავ სიკორსკიც გამოეხმაურა.

„რუსეთის მხრიდან მოქმედებების ესკალაცია რეალობად იქცევა და ამის მაგალითები ჩვენს საზღვარს სულ უფრო უახლოვდება. ჩვენ ამის შესახებ ინფორმაცია გვქონდა, როგორც საკუთარი, ისე ჩვენი სამსახურების მეშვეობით, ასევე მოკავშირე ქვეყნების შესაბამისი სამსახურებისგან. მათ შორის, ბოლო დღეებში ინფორმაცია პირადად მეც მომაწოდეს შესაძლო მიმდინარე ესკალაციის შესახებ. როგორც იცით, სასაზღვრო გამშვები პუნქტების წინააღმდეგ თავდასხმა ან მათი ფუნქციონირების პარალიზების მცდელობა პირველი მსგავსი შემთხვევა არ არის“, - განაცხადა პოლონეთის პრემიერ-მინისტრმა დონალდ ტუსკმა.

„რუსეთმა იერიში მიიტანა პოლონეთის საზღვართან ახლო, რომელიც ამავროულად ევროკავშირისა და ნატოს საზღვარიცაა, თავდასხმისთვის რექსტიული ძრავებითა და დამიზნების სისტემით აღჭურვილი, მოდერნიზებული დრონები გამოიყენა, ეს ესკალაციაა. ეს არის კიდევ ერთი სერიოზული გამოწვევა უკრაინისა და რუსეთის აგრესიის მომავალი პოტენციური სამიზნეებისთვის“, - აღნიშნა პოლონეთის საგარეო საქმეთა მინისტრმა რადოსლავ სიკორსკიმ.