ძლიერმა წვიმამ ახმეტის მუნიციპალიტეტში პრობლემები შექმნა
იმედი|imedinews.ge
ძლიერმა წვიმამ ახმეტის მუნიციპალიტეტი დააზარალა. ხალაწნის ხევი კალაპოტიდან გადმოვიდა და საცხოვრებელი სახლების ეზოები დატბორა. დაზიანებულია საკარმიდამო ნაკვეთები.
მნიშვნელოვანი ინფრასტრუქტურული ზიანის შესახებ ინფორმაციას ახმეტის მერიაში არ ადასტურებენ. ადგილზე მუშაობდა მძიმე ტექნიკა და მობილიზებული იყო მერიის ყველა შესაბამისი სამსახური.
„მოსახლეობას საფრთხე არ შეჰქმნია. ადგილზე იყო სამაშველო სამსახურიც, პოლიციაც“, - აღნიშნა ახმეტის მუნიციპალიტეტის მერმა ალექსი ფიცხელაურმა.
გაზიარება:
იმედი
წყარო: imedinews.ge