ეკა სეფაშვილი: გერმანიაში ვიზიტით იმყოფებოდა აზერბაიჯანის პრეზიდენტი ილჰამ ალიევი და ამ ორმა ქვეყანამ მოილაპარაკა ეკონომიკური საქმიანობის და ურთიერთობების გააქტიურების შესახებ, სადაც, რა თქმა უნდა, წამყვანი ადგილი უჭირავს ბუნებრივი აირით გერმანიის მომარაგების თემას. ცხადია, რომ ამ ვითარებაში საქართველოს როლი არის შეუცვლელი, რადგან ეს არის ერთ-ერთი უმოკლესი და უიაფესი გზა
ამ ყველაფერს პირველ რიგში ვუკავშირებ საქართველოს გლობალურ როლს საერთაშორისო სატრანზიტო გადაზიდვების საქმეში, - განაცხადა გადაცემაში „იმედის კვირა“ პარტია „ხალხის ძალის“ საერთაშორისო ურთიერთობათა მდივანმა ეკა სეფაშვილმა გერმანიის მიერ საქართველოს შესახებ არასწორი ინფორმაციის წაშლასა და საქართველოს ელჩისგან რწმუნებათა სიგელების მიღებაზე საუბრისას.
ეკა სეფაშვილმა ასევე ისაუბრა ბერლინში, 21-22 ივლისს გამართულ შეხვედრაზე, სადაც აზერბაიჯანის პრეზიდენტს გერმანიის კანცლერმა უმასპინძლა.
„სულ რაღაც რამდენიმე დღით ადრე გერმანიაში ვიზიტით იმყოფებოდა აზერბაიჯანის პრეზიდენტი ილჰამ ალიევი და ამ ორმა ქვეყანამ მოილაპარაკა ეკონომიკური საქმიანობის და ურთიერთობების გააქტიურების შესახებ, სადაც, რა თქმა უნდა, წამყვანი ადგილი უჭირავს ბუნებრივი აირით გერმანიის მომარაგების თემას. ცხადია, რომ ამ ვითარებაში საქართველოს როლი არის შეუცვლელი, რადგან ეს არის ერთ-ერთი უმოკლესი და უიაფესი გზა.
ვფიქრობ, ასეთი ქვეყნების რიცხვი გაიზრდება იმის გათვალისწინებით, რომ ევროპის ქვეყნები ცდილობენ აქტიური ურთიერთობების დამყარებას აღმოსავლეთთან, უპირველეს ყოვლისა ჩინეთთან. დღეს ჩვენ გლობალურ მსოფლიოს თუ გადავხედავთ, ჩინეთთან ერთად სავაჭრო-ეკონომიკური ურთიერთობების დამყარებისთვის აუცილებელია ის სატრანზიტო მაგისტრალი, რომლის ერთ-ერთი ყველაზე მნიშვნელოვანი ხაზი საქართველოზე გადის და ეს გარდაუვალად მოხდება, რადგან საერთაშორისო გადაზიდვები და არა მხოლოდ, ძალიან მნიშვნელოვანია თანამედროვე მსოფლიოში“, - აღნიშნა ეკა სეფაშვილმა.
იმედი
წყარო: imedinews.ge