ეროვნული სასახლის 85 წლის იუბილე საზეიმო წარმოდგენით აღინიშნა
იმედი|imedinews.ge
ეროვნულმა სასახლემ 85 წლის იუბილე აღნიშნა - სასახლის პირველი რესპუბლიკის დარბაზმა იუბილესადმი მიძღვნილ წარმოდგენას უმასპინძლა. საღამოს ნიკოლოზ წულუკიძე უძღვებოდა და მასში მონაწილეობა მიიღეს ძველი და ახალი თაობის სასახლელებმა.
1941 წლის 2 მაისს ეროვნული სასახლის ისტორიული შენობა ბავშვებს გადაეცა და მას შემდეგ ეს სივრცე ქვეყნის ერთ-ერთი გამორჩეული, უდიდესი არაფორმალური განათლების ცენტრია. სასახლემ არაერთი წარმატებული თაობა აღზარდა: მეცნიერები, მსახიობები, მხატვრები, მწერლები, პოეტები, მუსიკოსები, მოჭადრაკეები და საზოგადო მოღვაწეები.
პროექტი თბილისის მერიის, კულტურის სამინისტროსა და შემოქმედებითი საქართველოს მხარდაჭერით განხორციელდა.
გაზიარება:
IM
იმედი
წყარო: imedinews.ge