ესპანეთის ნაკრებმა 2026 წლის მსოფლიო ჩემპიონატის პირველ მატჩში კაბო-ვერდესთან ფრე ითამაშა
აშშ-ში, კანადასა და მექსიკაში მიმდინარე მსოფლიო ჩემპიონატის ჯგუფური ეტაპის პირველ ტურში სენსაცია დაფიქსირდა - H ჯგუფის შეხვედრაში, რომელიც ატლანტაში გაიმართა, ესპანეთის ნაკრები კაბო-ვერდეს დაუპირისპირდა და მატჩი ფრედ, 0:0 დასრულდა.
კაბო-ვერდეს ნაკრებისთვის ეს მუნდიალზე სადებიუტო მატჩი იყო. გუნდი ფიფა-ს რეიტინგში 64-ე ადგილს იკავებს.
რაც შეეხება ესპანეთს, ევროპის მოქმედი ჩემპიონები და 2010 წლის მსოფლიო თასის მფლობელები, ფიფას რეიტინგში მე-3 პოზიციას იკავებენ.
მომდევნო ტურში, რომელიც 21 ივნისს გაიმართება, ესპანეთის ნაკრები საუდის არაბეთს დაუპირისპირდება, ხოლო კაბო-ვერდე ძალებს ურუგვაისთან გამოსცდის.
მსოფლიო ჩემპიონატი ისტორიაში პირველად ტარდება 48 გუნდის მონაწილეობით და მას ერთდროულად სამი ქვეყანა მასპინძლობს. ტურნირი 19 ივლისს დასრულდება.
იმედი
წყარო: imedinews.ge