„ეცის ყინულის კაცის“ სხეულში სიცოცხლის ფორმები აღმოაჩინეს

იტალიის მუმიების შესწავლის ინსტიტუტის (Eurac) მკვლევრებმა 5300 წლის ეცის „ყინულის კაცის“, სხეულზე სიცივესთან ადაპტირებული საფუვრის ბაქტერიები აღმოაჩინეს, რომელიც გამრავლებას დღემდე აგრძელებს.

მუმია, რომელსაც ეცი დაარქვეს, გერმანელმა ტურისტებმა 1991 წლის სექტემბერში, იტალიის ალპებში, მყინვარში აღმოაჩინეს. სოკოების ზრდის თავიდან ასაცილებლად, ის ფენოლის შემცველი ხსნარით დაამუშავეს. შემდეგ მაცივარში ინახავდნენ, –6 °C ტემპერატურასა და 99%-იან ფარდობით ტენიანობაზე. ეს აუცილებელია მიკროორგანიზმების ზრდის აღსაკვეთად.

2019 წელს მუმიის მიკრობიომის შესწავლა დაიწყო. მეცნიერებმა დაადგინეს, რომ მუმიის შიგნით და გარეთ არსებული ბაქტერიები სხვადასხვანაირად განვითარდნენ. „ყინულის კაცის“ ნაწლავებში შენარჩუნდა უძველესი მიკროფლორა, ხოლო კანზე პირვანდელი ბაქტერიები მყინვარიდან მოხვედრილმა მიკრობებმა შეცვალა.

მკვლევრებმა მუმიის კანიდან და მისი შინაგანი ორგანოებიდან სიცივის მოყვარული საფუვრის 4 სახეობის გაცოცხლება შეძლეს. მეცნიერებმა განსაზღვრეს, რომ ამ მიკროორგანიზმებმა ყინულში 5,3 ათასი წელი მძინარე მდგომარეობაში გაატარეს ან იმ სოკოების შთამომავლებს წარმოადგენენ, რომლებმაც ადამიანის სხეული დაღუპვისთანავე დაფარეს.

კვლევამ აჩვენა, რომ საფუარი (Glaciozyma) და ბაქტერია (Pseudomonas sp. 5C2) მუმიის სხეულზე არა მხოლოდ გადარჩნენ, არამედ დროთა განმავლობაში მრავლდებიან კიდეც - 2019 წლის ნიმუშებში მათი რაოდენობა უფრო მეტი აღმოჩნდა, ვიდრე 2010 წელს.

„მუმიები უცვლელი არტეფაქტები კი არა, მაღალი ცვალებადობის მქონე ბიოლოგიური სისტემებია“, - აღნიშნა ინსტიტუტის დირექტორმა, ფრანკ მაიქსნერი