ევროკავშირმა უკრაინას, 90 მილიარდი ევროს ოდენობის სესხის ფარგლებში, უპილოტო საფრენი აპარატების განსავითარებლად 3,9 მილიარდი ევრო გადასცა

ევროკომისიამ 90 მილიარდი ევროს ოდენობის სესხის ფარგლებში უკრაინას 6 მილიარდი ევროს ოდენობით პირველი ტრანში გამოუყო, საიდანაც 3,9 მილიარდი ევრო დრონების თანამედროვე ტექნოლოგიების განვითარებას მოხმარდება.

ევროკომისიის პრეზიდენტის ურსულა ფონ დერ ლაიენის განცხადებით, ეს ინვესტიცია უკრაინას დაეხმარება, რომ დაიცვას თავისი მოქალაქეები, სუვერენიტეტი და გააძლიეროს ევროპის უსაფრთხოება.

„უკრაინის გამჭრიახობა რუსეთის სრულმასშტაბიანი შეჭრის წინააღმდეგ გაწეული წინააღმდეგობის ერთ-ერთი მთავარი საფუძველია. სწორედ ამ შესაძლებლობის მხარდაჭერა გვსურს. დღეს უკრაინის თავდაცვის გასაძლიერებლად მოწინავე დრონების ტექნოლოგიებისთვის 3,9 მილიარდი ევროს პირველი ტრანშის გამოყოფას ვაცხადებთ. ამას კიდევ სხვა დაფინანსებაც მოჰყვება. ეს ინვესტიციები დაეხმარება უკრაინას დაიცვას საკუთარი მოქალაქეები, სუვერენიტეტი და გააძლიეროს ევროპის უსაფრთხოება. ევროპა მტკიცედ იდგება უკრაინის გვერდით იმდენ ხანს, რამდენიც საჭირო იქნება სამართლიანი და მდგრადი მშვიდობის მისაღწევად“, - განაცხადა ფონ დერ ლაიენმა.