გაერო: 1 მაისიდან დღემდე უკრაინაში, რუსეთის თავდასხმების შედეგად, 70-ზე მეტი მშვიდობიანი მცხოვრები დაიღუპა
იმედი|imedinews.ge
1 მაისიდან დღემდე უკრაინაში, რუსეთის თავდასხმების შედეგად, 70-ზე მეტი მშვიდობიანი მცხოვრები დაიღუპა. სტატისტიკას გაეროს ადამიანის უფლებათა მონიტორინგის კომისია აქვეყნებს.
ამავე მონაცემებით, დაშავებულია 500-ზე მეტი ადამიანი. ყველაზე მასშტაბური თავდასხმები ბოლო ერთი კვირის განმავლობაში ზაპოროჟიესა და კრამატორსკზე განხორციელდა.
„დაღუპულთა და დაშავებულთა უმეტესობა ჩვეულებრივი სამოქალაქო საქმიანობით იყო დაკავებული - მიდიოდნენ სამსახურში, ახორციელებდნენ შესყიდვებს, სეირნობდნენ, ან ადრე განხორციელებულ თავდასხმის შედეგებს ებრძოდნენ“, - განაცხადა გაეროს ადამიანის უფლებათა მონიტორინგის კომისიის ხელმძღვანელმა, დანიელე ბელმა.
გაზიარება:
იმედი
წყარო: imedinews.ge