გარდაბნის მუნიციპალიტეტის სოფელ ახალსოფლის საჯარო სკოლის პროექტირება-რეაბილიტაცია იწყება
იმედი|imedinews.ge
ინფრასტრუქტურის სამინისტროს მუნიციპალური განვითარების ფონდმა სოფელ ახალსოფლის 300 მოსწავლეზე გათვლილი საჯარო სკოლის პროექტირება-რეაბილიტაციის ხელშეკრულება ტენდერში გამარჯვებულ კომპანიასთან გააფორმა. ინფორმაციას ინფრასტრუქტურის სამინისტრო ავრცელებს.
დაგეგმილია ახალსოფლის სკოლის შენობის ტექნიკური მდგომარეობის შესწავლა, რეაბილიტაცია–რეკონსტრუქციის შესაძლებლობის განსაზღვრა, საპროექტო დოკუმენტაციის მომზადება და აღდგენითი სამუშაოების განხორციელება.
გარდაბნის მუნიციპალიტეტის სოფელ ახალსოფლის საჯარო სკოლის რეაბილიტაცია მოიცავს შენობის სასწავლო და ადმინისტრაციული სივრცეების, გათბობის, ვენტილაციისა და წყალმომერაგების სისტემების განახლებას, ტერიტორიის კეთილმოწყობას და უსაფრთხოების ნორმების დაცვას.
გაზიარება:
იმედი
წყარო: imedinews.ge