გელა მთივლიშვილი: ის, რაც ვახო სანაიას გაუკეთეს, ფეისბუქზე დაწერილი პოსტის გამო, რომ 14 დღით დააპატიმრეს, იმაზე უარესია, ვიდრე მე რომ ხელყუმბარა მესროლეს წინა ხელისუფლების პირობებში

წინა ხელისუფლების პირობებში საკმაოდ მძიმე ტრავმები მაქვს გადატანილი, როგორც ჟურნალისტს, მხოლოდ და მხოლოდ პროფესიული საქმიანობის გამო. მათ შორის, სიცოცხლის მოსპობის მცდელობის ამბავზე, როცა ხელყუმბარა მესროლეს,- განაცხადა ჟურნალისტმა, გელა მთივლიშვილმა, გადაცემაში „რეაქცია”.

მთივლიშვილის განცხადებით, ვახო სანაიას 14 დღიანი პატიმრობა უარესია, ვიდრე ის, რომ მას წინა ხელისუფლების დროს ხელყუმბარა ესროლეს.

“წინა ხელისუფლების პირობებში საკმაოდ მძიმე ტრავმები მაქვს გადატანილი, როგორც ჟურნალისტს, მხოლოდ და მხოლოდ პროფესიული საქმიანობის გამო. მათ შორის, სიცოცხლის მოსპობის მცდელობის ამბავზე, როცა ხელყუმბარა მესროლეს, მითქვამს ეს რამდენჯერმე, ხომ? საცხოვრებელ სახლში. ის, რაც დღეს ვახო სანაიას გაუკეთეს, ფეისბუქზე დაწერილი პოსტის გამო რომ 14 დღით დააპატიმრეს, რაც ფაქტობრივად სისხლის სამართლის სასჯელს უტოლდება, ეს იმაზე უარესია, ვიდრე მე რომ ხელყუმბარა მესროლეს წინა ხელისუფლების პირობებში.“- განაცხადა გელა მთივლიშვილმა.