Euractiv: მაკრონი ფონ დერ ლაიენს მოზარდებისთვის სოციალური ქსელების დაბლოკვისკენ მოუწოდებს

საფრანგეთის პრეზიდენტი ემანუელ მაკრონი ევროკომისიის პრეზიდენტ ურსულა ფონ დერ ლაიენს მოზარდებისთვის სოციალური ქსელების დაბლოკვისკენ მოუწოდებს. ინფორმაციას Euractiv-ი ავრცელებს.

Euractiv-ის ცნობით, საფრანგეთის ლიდერმა ევროკომისიის პრეზიდენტს წერილი მისწერა, რომ ის ევროკავშირის მასშტაბით ისეთი საკანონმდებლო აქტის მიღებას ითხოვს, რომელიც 15 წლამდე ასაკის ბავშვებს სოციალური ქსელებით სარგებლობას აუკრძალავს.

აგვისტოში საფრანგეთის საკონსტიტუციო საბჭომ ეროვნულ დონეზე მომზადებული ანალოგიური კანონპროექტი გამოხატვის თავისუფლების დარღვევის მოტივით დაბლოკა.

მაკრონის განცხადებით, აუცილებელია ერთიანი ევროპული რეგულაციის შემუშავება, რომელიც წევრ ქვეყნებში წესების ჰარმონიზაციას უზრუნველყოფს.