გერმანიის პროკურატურამ სატირიკოსის წინააღმდეგ გამოძიება დაიწყო, მას შემდეგ რაც ის „ალტერნატივა გერმანიისთვის“ ღონისძიებაზე გამოვიდა

გერმანიის ქალაქ დესაუ-როსლაუს პროკურატურამ ცნობილი სატირიკოსის, უვე შტაიმლეს წინააღმდეგ გამოძიება დაიწყო. მიზეზი ყოფილ და მოქმედ კანცლერებზე, ანგელა მერკელსა და ფრიდრიხ მერცზე პარტია „ალტერნატივა გერმანიისთვის“ მიერ მოწყობილ ღონისძიებაზე მისი განცხადებები გახდა.

მოქმედი კანცლერი მან ადოლფ ჰიტლერს შეადარა და მწუხარება გამოთქვა იმის გამო, რომ გერმანიაში ჯერ კიდევ არ გამოჩნდა კლაუს შტაუფენბერგის მსგავსი ფიგურა, რომელმაც 1944 წელს ჰიტლერზე სცადა თავდასხმა. საქმე სატირიკოსის წინააღმდეგ სისხლის სამართლის კოდექსის 126-ე მუხლით აღიძრა, რაც დანაშაულის ჩადენის მუქარით საზოგადოებრივი წესრიგის დარღვევას გულისხმობს.