გიგა ავალიანის საქმეზე დიმიტრი ჩიქოვანი და ანა ნასყიდაშვილი სასამართლომ დამნაშავედ ცნო. „ქრონიკის“ სიუჟეტი

გიგა ავალიანის საქმეზე დიმიტრი ჩიქოვანი და ანა ნასყიდაშვილი სასამართლომ დამნაშავედ ცნო. ერთს ბრალად ედებოდა ჯგუფურად ჯანმრთელობის განზრახ მძიმე დაზიანების მომზადება, მეორეს კი დანაშაულის შეუტყობინებლობა. ჩიქოვანს 9 წლითა და 9 თვით, ნასყიდაშვილს კი 5 წლითა და სამი თვით პატიმრობა შეეფარდა. გარდაცვლილის დედა განაჩენს სამართლიანად მიიჩნევს.

„მართლმსაჯულების მიზანი არ არის მხოლოდ სასჯელის დაკისრება, ეს გულისხმობს, რომ უნდა გააცნობიერონ მათი პასუხისმგებლობა, გამოწვეული შედეგები, განიმსჭვალონ კანონის მიმართ პატივისცემის გრძნობით. ამავდროულად, სასამართლოს მიერ განსაზღვრული სასჯელი ემსახურება არა მხოლოდ კონკრეტულ პირთა პასუხისგების საკითხის გადაწყვეტას, არამედ წარმოადგენს შეხსენებას და გაფრთხილებას, განსაკუთრებით ახალგაზრდებისთვის, რომ ამგვარი კატეგორიის დანაშაულის ჩადენა იწვევს კანონით გათვალისწინებულ მკაცრ პასუხისმგებლობას და რომ ძალადობა არ არის ნორმა. შესაბამისად, სასამართლო სისხლის სამართლის კოდექსის შესაბამისი მუხლებით გათვალისწინებული სანქციის ფარგლებში კანონთან კონფლიქტში მყოფ არასრულწლოვნებს განუსაზღვრავს მაქსიმალურ სასჯელს“, - განაცხადა მოსამართლე დემეტრე ჯინჯოლიამ.

ვრცლად იხილეთ გივი კუჭავას სიუჟეტში.