El Pais: ესპანეთის მთავრობამ მიიღო გადაწყვეტილება, სეუტაში განლაგებული სახმელეთო ჯარების დანაყოფების მობილიზება მოახდინოს სამოქალაქო გვარდიის მხარდასაჭერად - სამოქალაქო გვარდიის ძალები ვერ აუდიან ათასობით მიგრანტის ნაკადს, რომლებიც ესპანურ ქალაქსა და მაროკოს შორის არსებულ ტარახალის საზღვარს ცურვით კვეთენ

ესპანეთის მთავრობამ მიიღო გადაწყვეტილება, სეუტაში განლაგებული სახმელეთო ჯარების დანაყოფების მობილიზება მოახდინოს სამოქალაქო გვარდიის მხარდასაჭერად - სამოქალაქო გვარდიის ძალები ვერ აუდიან ათასობით მიგრანტის ნაკადს, რომლებიც ესპანურ ქალაქსა და მაროკოს შორის არსებულ ტარახალის საზღვარს ცურვით კვეთენ, - წერს ესპანური გამოცემა El Pais-ი.

ოპოზიციური „სახალხო პარტიის“ ლიდერები სოციალურ ქსელებში პედრო სანჩესის მთავრობას დაესხნენ თავს და მას სეუტაში კრიზისის ხელშეწყობაში ადანაშაულებენ.

პარტია ითხოვს კონგრესში დარეგისტრირებული კანონპროექტის მიღებას, რომლის მიხედვითაც, „უცხოელები, რომლებსაც ეროვნულ ტერიტორიაზე შეღწევის მცდელობისას სასაზღვრო ზოლში აღმოაჩენენ ან შეაჩერებენ, შესაძლოა უკან იქნენ გაბრუნებულნი“.

პარტია „ვოქსმა“ მაროკოსთან საზღვრის ჩაკეტვა და ჯარის გაგზავნა მოითხოვა, ხოლო „პოდემოსი“ შინაგან საქმეთა მინისტრ მარლასკას გადადგომას ითხოვს.

თავის მხრივ, სეუტას პრეზიდენტმა, ხუან ხესუს ვივასმა მთავრობას მოუწოდა, გამოაცხადოს ეროვნული საგანგებო მდგომარეობა და მართვა თავის თავზე აიღოს.