გიორგი ჩაკვეტაძე: განცხადება, რომელიც გიორგი კანდელაკმა გააკეთა, არის დეზინფორმაციული, გაჟღენთილია ტყუილებით და ემსახურება იმას, რომ საქართველოს რეპუტაცია დააზიანოს

ეს არამხოლოდ დეზინფორმაციაა, არამედ საქართველოს წინააღმდეგ განხორციელებული მტრობაა,- ასე შეაფასა „ქრონიკასთან“ საუბრისას განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ, გიორგი ჩაკვეტაძემ გიორგი კანდელაკის სტატია, სადაც წერია, რომ თბილისი ირანის მიერ აგენტების გადაბირებისა და ტერორისტული ოპერაციების ნაყოფიერ ნიადაგად იქცა.

გიორგი ჩაკვეტაძის თქმით, როდესაც კი შესაძლებელი იყო საერთაშორისო მიმართულებით საქართველოს ჰქონოდა წარმატება, გიორგი კანდელაკი ყოველთვის ცდილობდა ამ ყველაფერზე ცუდი გადაწყვეტილება ყოფილიყო მიღებული.

„კონკრეტულად ის განცხადება, რაც გააკეთა, გარდა იმისა, რომ არის დეზინფორმაციული, გაჟღენთილია ტყუილებით და ემსახურება იმას, რომ საქართველოს რეპუტაცია დააზიანოს“, - აღნიშნა გიორგი ჩაკვეტაძემ.