გიორგი კახიანი კონსტიტუციურ სარჩელზე: რადიკალურ პარტიებს ოპოზიციური ველი მნიშვნელოვანწილად მონოპოლიზებული აქვთ. ჩვენი ვალდებულებაც არის, რომ ვიფიქროთ, კონსტიტუციის ჩარჩოებში როგორ მოვხსნათ ეს გამოწვევა საზოგადოებისთვის

რადიკალურ პარტიებს ოპოზიციური ველი მნიშვნელოვანწილად მონოპოლიზებული აქვთ. ჩვენი ვალდებულებაც არის, რომ ვიფიქროთ, კონსტიტუციის ჩარჩოებში როგორ მოვხსნათ ეს გამოწვევა საზოგადოებისთვის, - განაცხადა გადაცემაში „იმედი Live” პარლამენტის თავმჯდომარის მოადგილე გიორგი კახიანმა პარტიების აკრძალვის შესახებ საკონსტიტუციო სარჩელთან დაკავშირებით.

მისი თქმით, რადიკალური ოპოზიციური პარტიები ხელს უშლიან პოლიტიკაში ჯანსაღი პოლიტიკური ძალების შესვლას.

„რადიკალურ პარტიებს ოპოზიციური ველი მნიშვნელოვანწილად აქვთ მონოპოლიზებული, ძალას, რომელიც რეალურად არის აგენტურა. ერთი მხრივ, ჩვენი ვალდებულებაც არის, რომ კონსტიტუციის ჩარჩოებში ვიფიქროთ, ეს გამოწვევა მოვხსნათ საზოგადოებისთვის. ისინი ხელს უშლიან ამ სივრცეში ჯანსაღი პოლიტიკური ძალების შემოსვლას.

ასეთი რეგულაციები, რომელზეც ახლა ვსაუბრობთ, ჩვენი მოგონილი კი არ არის, 1995 წლიდან მოყოლებული, რაც ეს კონსტიტუცია მივიღეთ, ჩვენი კანონმდებლობა ამას ითვალისწინებს“, - განაცხადა კახიანმა.

პარლამენტის ვიცე-სპიკერის თქმით, ეს არის არის სარჩელი კრიტიკული აზრისთვის, რადგან მსგავსი სარჩელის მომზადება შეუძლებელია.

„სარჩელს სჭირდება დასაბუთება და შესაბამისი მტკიცებულებები, რომ მათი საქმიანობა არის ანტიკონსტიტუციური და მერწმუნეთ, რომ ეს კარგად არის დასაბუთებული. კრიტიკული აზრი გულისხმობს გამოხატვის თავისუფლებას და გამოხატვის თავისუფლება საქართველოში სრულად უზრუნველყოფილია, მაგრამ ეს არის ძალა, რომელიც ანტიკონსტიტუციურ საქმიანობას ეწევა. მარტო საქართველოში კი არ არის ასეთი მექანიზმი, ევროპის ყველა ქვეყნის კანონმდებლობაშია ჩადებული ასეთი მექანიზმი“, - განაცხადა გიორგი კახიანმა.