გიორგი ქაჯაია: ევრობიუროკრატები მიხვდნენ, რომ იმდენად ძლიერად მუშაობს სახელმწიფო ინსტიტუტები, რომ კონკრეტული პარტიის, ან პოლიტიკოსის მხარდაჭერა შედეგს ვერ გამოიღებდა და გადავიდნენ პოლიტიკურ ზეწოლაზე ყველა იმ ინსტრუმენტის გამოყენებით, რასაც დღეს ვუყურებთ

რასაკვირველია თინა ბოკუჩავას ჩამოლაბორანტება დიდი დანაკლისი იქნება მისი პარტიისთვის; მას საგარეო მიმართულებით თავისი ლობისტები ჰყავდა, რომლებიც ეხმარებოდნენ ნაციონალურ მოძრაობას და ძალიან სწორი იყო ხელისუფლება, როდესაც ამბობდა, რომ მათი ჩართულობით იყო მცდელობები საქართველოს იმიჯი საერთაშორისო დონეზე დაზიანებულიყო, - განაცხადა გადაცემაში „დღის ქრონიკა“ ანალიტიკოსმა გიორგი ქაჯაიამ.

მისი თქმით, ევრობიუროკრატებს თავიანთი აგენტურული ქსელი სჭირდებათ იმისთვის, რომ გავლენები დაიბრუნონ და ქვეყნის საპოლიტიკურ დღის წესრიგზე ჰქონდეთ კონტროლი.

„ამიტომ ევრობიუროკრატები დებდნენ ფსონს სააკაშვილზე და მისი გუნდის დანაყოფებზე. მიხვდნენ, რომ იმდენად ძლიერად მუშაობს სახელმწიფო ინსტიტუტები, რომ კონკრეტული პარტიის ან პოლიტიკოსის მხარდაჭერა შედეგს ვერ გამოიღებდა და გადავიდნენ პოლიტიკურ ზეწოლაზე ყველა იმ ინსტრუმენტის გამოყენებით, რასაც ჩვენ დღეს ვუყურებთ. ამიტომ ერთი მხრივ გვესაუბრებოდნენ, რომ დაინტერესებულები არიან საქართველოს ევროინტეგრაციით, მეორე მხრივ კი უსაფუძვლო სანქციებით გვემუქრებოდნენ“, - აღნიშნა ქაჯაიამ.