გიორგი სოსიაშვილი: გვარამიას განცხადება არის გარედან ნაკარნახეივ, რომ შერიგების პროცესი შეაფერხონ. არც განიხილება, რომ ოდესმე ჩვენმა ხელისუფლებამ და ქართველმა ხალხმა რომელიმე კავშირში გაწევრიანება რომელიმე ისტორიული ტერიტორიების ხარჯზე განიხილოს, წარმოუდგენელია

გვარამიას განცხადება არის გარედან ნაკარნახეივ, რომ შერიგების პროცესი შეაფერხონ. არც განიხილება, რომ ოდესმე ჩვენმა ხელისუფლებამ და ქართველმა ხალხმა რომელიმე კავშირში გაწევრიანება რომელიმე ისტორიული ტერიტორიების ხარჯზე განიხილოს, წარმოუდგენელია, - განაცხადა განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილე გიორგი სოსიაშვილმა „დღის ქრონიკაში“.

მისი თქმით, როგორც ჩანს, რადიკალებმა ახალი დავალება მიიღეს, რაც გამომდინარეობს იქიდან, რომ გარკვეული კონტურები გამოიკვეთა აფხაზებთან და ოსებთან შერიგების.

„მგონი შეუიარაღებელი თვალითაც ჩანს, რომ გარედან ორკესტრირებული და მიღებული დავალებების შესაბამისად მოქმედებენ [რადიკალები]. გახსოვთ ჯერ [გია] ბარამიძის განცხადება, სადაც ჩვენი ჯარი, სახელმწიფო და საზოგადოება დაადანაშაულა სიბინძურეში, რაც ბუნებაში არ მომხდარა არც არასდროს მოხდება. ახლა უკვე ამ ბატონს [ნიკა გვარამიას]თავი მოაქვს. მახსენდება ჰემინგუეის სიტყვები, რომ ომზე დიდი საშინელება ღალატი და სიმხდალეაო. გარდა იმისა, რომ ამ ადამიანებმა ომი დაგვატეხეს თავზე, შეგვახეთქეს უზარმაზარ, მონსტრ ოკუპანტ ქვეყანას ეს ჩვენი მცირე სახელმწიფო, დღემდე აგრძელებენ საკუთარი ქვეყნის ღალატს. მათ სამშობლოს შეგრძნება დაკარგული აქვთ.

მთავარი მათთვის არის ძალაუფლების ხელში ჩაგდების წყურვილი. როგორც ჩანს, ახალი დავალება მიიღეს, რაც გამომდინარეობს იქიდან, რომ გარკვეული კონტურები გამოიკვეთა აფხაზებთან და ოსებთან შერიგების. ჩვენ მათთან არავითარი სადავიდარაბო არ გვაქვს. საქართველოს ტერიტორიული მთლიანობა უნდა აღდგეს მშვიდობიანი გზით. შერიგებას ალტერნატივა არ გააჩნია. ვისაც სძულს აფხაზი და ოსი, მას სძულს საქართველოც. გვარამიას განცხადება არის გარედან ნაკარნახევი, რომ შერიგების პროცესი შეაფერხონ. არც განიხილება, რომ ოდესმე ჩვენმა ხელისუფლებამ და ქართველმა ხალხმა რომელიმე კავშირში გაწევრიანება რომელიმე ისტორიული ტერიტორიების ხარჯზე განიხილოს, წარმოუდგენელია“, - აღნიშნა სოსიაშვილმა.