გიორგი ვოლსკი: ამოცანაა ტურისტული ინდუსტრიის დაზიანება, საერთოდ სტაბილური ქვეყნის იმიჯის დაზიანება, რომელიც საქართველოს საშუალებას აძლევს, ეკონომიკური განვითარების მაჩვენებლები სტაბილური ჰქონდეს

ამოცანაა ტურისტული ინდუსტრიის დაზიანება, საერთოდ სტაბილური ქვეყნის იმიჯის დაზიანება, - განაცხადა საქართველოს პარლამენტის თავმჯდომარის პირველმა მოადგილემ, გიორგი ვოლსკიმ.

მან ქსენოფობიური შეტევის მთავარ მიზნებზე ჟურნალისტებთან ისაუბრა.

„ამოცანა არის ტურისტული ინდუსტრიის დაზიანება, დაზიანება საერთოდ სტაბილური ქვეყნის იმიჯის, რომელიც საქართველოს საშუალებას აძლევს, ეკონომიკური განვითარების მაჩვენებლები ჰქონდეს სტაბილური და ზოგადად დაძაბულობის იმ ხარისხის შექმნა, რომელიც დაემატება მათ მოთხოვნებს საქართველოს დასანქცირების თაობაზე და მთლიანობაში ნეგატიური გარემო შეიქმნება საქართველოში. ეს არის ქსენოფობიური შეტევის მთავარი მიზანი. ეს არ არის ემოციური გამოვლინება, მით უმეტეს მას შემდეგ, რაც გვახსოვს ისტორიის ის მონაკვეთი, როდესაც ყველაფერი კეთდებოდა იმისთვის, რათა რუსეთთან აღდგენილიყო ურთიერთობები მიუხედავად იმისა, რომ ჯერ ჩვენი ჯარისკაცების ცხედრები არ იყო გაციებული“, - განაცხადა ვოლსკიმ.