გიორგი ვოლსკი: დაზიანების ვინ უფრო დიდ რესურსს ფლობს და რომელს უკეთესად შეუძლია, საკუთარი ქვეყნის დესტაბილიზაცია მოახდინოს, „კოლექტიურ ნაცმოძრაობაში“ ამაზეა კამათი

დაზიანების ვინ უფრო დიდ რესურსს ფლობს და რომელს უკეთესად შეუძლია, საკუთარი ქვეყნის დესტაბილიზაცია მოახდინოს, „კოლექტიურ ნაცმოძრაობაში“ ამაზეა კამათი, - განაცხადა პარლამენტის პირველმა ვიცე-სპიკერმა, გიორგი ვოლსკიმ ოპოზიციურ ალიანსში დაპირისპირებაზე საუბრისას.

„ისტორიული პოლიტიკური მემკვიდრეა ნებისმიერი ადამიანი, ვინც დღეს ამ გაერთიანებულ „კოლექტიურ ნაცმოძრაობაშია“. ერთმანეთში დაპირისპირებები აქვთ, ექნებათ კიდევაც, მაგრამ ეს იმას არ ნიშნავს, რომ მათი არსი იცვლება. არავინ გმობს იმას, რაც მოხდა; არავინ გმობს იმას, რომ ათასობით ოჯახი გააუბედურეს, ან ტერიტორიები ჩააბარეს ოკუპანტს. არავინ ამას არ გმობს. აქ სულ სხვა თემებზე მიდის კამათი. დაზიანების ვინ უფრო დიდ რესურსს ფლობს და რომელს უკეთესად შეუძლია, საკუთარი ქვეყნის დესტაბილიზაცია მოახდინოს, ამაზეა კამათი“, - განაცხადა ვოლსკიმ.

„ნაციონალურ მოძრაობაში“ აცხადებენ, რომ თუ ალიანსი „ანტი მიშას“ კამპანიად გადაიქცევა, პარტიას არ ექნება სხვა გამოსავალი, გარდა იმისა, რომ ალიანსი დატოვოს.