გიორგი ვოლსკი: საკმაოდ რთული მოლაპარაკებები იქნება. არის გარკვეული თემები, რაზეც ჩვენ პოზიციის შეცვლა არ შეგვიძლია და არ არსებობს ადამიანი, რა პოლიტიკური გემოვნებისაც არ უნდა იყოს, რომელიც გვიკარნახებს რომ უნდა შეიცვალოს ჩვენი დამოკიდებულება ლგბტ პროპაგანდის მიმართ

საკმაოდ რთული მოლაპარაკებები იქნება. არის გარკვეული თემები, რაზეც ჩვენ პოზიციის შეცვლა არ შეგვიძლია და არ არსებობს ადამიანი, რა პოლიტიკური გემოვნებისაც არ უნდა იყოს, რომელიც გვიკარნახებს, რომ უნდა შეიცვალოს ჩვენი დამოკიდებულება ლგბტ პროპაგანდის მიმართ, - განაცხადა პარლამენტის თავმჯდომარის პირველმა მოადგილემ გიორგი ვოლსკიმ.

მისივე თქმით, არის თემა, რომელიც ეხება შავი ფულის შემოტანას.

„არის თემა, რომელიც ეხება შავი ფულის შემოტანას. გვეუბნებიან, რომ ჩვენ შემოვიტანთ ფულს და თქვენ არ უნდა იცოდეთ რა ფულია და რას ხმარდება. ამასთან დაკავშირებით ძალიან ცუდი გამოცდილება გვაქვს. სავიზო თემებთანაც არის საკითხები, ისეთ ქვეყნებს აქვთ უვიზო მიმოსვლა საქართველოში, მის მეზობელ ქვეყნებს, რომლებსაც ევროპაში არ აქვს უვიზო მიმოსვლა, თუმცა ამ მხრივ საკმაოდ მკაცრია ჩვენი რეგულაციები, ასე რომ ჩვენი მხრიდან ევროპას საშიშროება არ ემუქრება“, - აღნიშნა გიორგი ვოლსკიმ.

მმართველი გუნდის შეფასებით, უვიზო მიმოსვლის შეწყვეტის სამართლებრივი საფუძვლები არ არსებობს, მორიგი მუქარა კი პოლიტიკურია. ხელისუფლების მკაფიო პოზიცია არის, რომ ვიზალიბერალიზაცია სუვერენიტეტზე არ იცვლება.