გივი მიქანაძე: თბილისის სახელმწიფო უნივერსიტეტი აპირებს რამდენიმე ფაკულტეტზე გამოაცხადოს წამყვანი პროფესორების პოზიცია. ეს არ ანაცვლებს არცერთ მოქმედ აკადემიურ თანამდებობას, ეს არის დამატებითი პოზიციები

„თბილისის სახელმწიფო უნივერსიტეტი აპირებს რამდენიმე ფაკულტეტზე გამოაცხადოს წამყვანი პროფესორების პოზიცია. ეს არ ანაცვლებს არცერთ მოქმედ აკადემიურ თანამდებობას, ეს არის დამატებითი პოზიციები“, - განაცხადა გადაცემაში „დღის ქრონიკა“ საქართველოს განათლების, მეცნიერებისა და ახალგაზრდობის მინისტრმა გივი მიქანაძემ.

მიქანაძის თქმით, კანონმდებლობის ცვლილებიდან გამომდინარე, რეფორმით არის გათვალისწინებული წამყვანი პროფესორების პოზიციები.

„ეს არის დამატებითი პოზიციები, კონკრეტული მიმართულების ხელმძღვანელები. მაგალითად, სისხლის სამართლის მიმართულების ხელმძღვანელი იქნება. ნებისმიერ სხვა დარგთან მიმართებაში ანალოგიურად იქნება განხორციელებული“, - განმარტა მან.

მინისტრის თქმითვე, წამყვანი პროფესორების როლი იქნება არამხოლოდ კონკრეტული მიმართულების ხელმძღვანელობა და რესურსების კოორდინირებაა, ასევე მაღალ სტანდარტული სახელმძღვანელოების წერაზე ჯგუფის კონცენტრირება.

„მათი როლი იქნება ამ სახელმძღვანელოების შემუშავება და შემდგომში მისი დანერგვა პროცესში“, - აღნიშნა გივი მიქანაძემ.