გორში მომხდარი ინციდენტისას დაზარალებულის ადვოკატი: მას ამ ეტაპზე ფიზიკურად არ შეუძლია კონტაქტი, რადგან ფსიქოლოგიური სტრესი აქვს გადატანილი. ჩვენების მიცემას როდესაც შეძლებს და როდესაც დაიბარებენ, აუცილებლად მისცემს

მას ამ ეტაპზე ფიზიკურად არ შეუძლია კონტაქტი, რადგან ფსიქოლოგიური სტრესი აქვს გადატანილი, - განუცხადა „ქრონიკას“ გორში მომხდარი ინციდენტისას დაზარალებულის ადვოკატმა ლაშა ტყეშელაშვილმა.

ადვოკატის თქმით, დაზარალებული ყველა საგამოძიებო მოქმედებაში მიიღებს მონაწილეობს.

„რა თქმა უნდა, ჩვენების მიცემას როდესაც შეძლებს, პირველივე შესაძლებლობისთანავე და როდესაც დაიბარებენ, აუცილებლად მისცემს. ყველა საგამოძიებო მოქმედებაში მიიღებს მონაწილეობს.

მას აქვს ფსიქოლოგიური სტრესი გადატანილი, ის არის წამების მსხვერპლი. მას სჭირდება ფსიქოლოგიური დახმარება. ამ ეტაპზე, მედიასთან მხოლოდ მე შემიძლია ვიკონტაქტო იმის ფარგლებში, რა ინფორმაციაც მაქვს, როგორც მისი ინტერესების დამცველს. მას ამ ეტაპზე ფიზიკურად არ შეუძლია კონტაქტი, რადგან ფსიქოლოგიური სტრესი აქვს გადატანილი“, - აღნიშნა ლაშა ტყეშელაშვილმა.

პროკურატურამ პოლიციელების მიერ სამსახურებრივი უფლებამოსილების ძალადობით გადამეტების ფაქტზე 6 პირი დააკავა.